استغفر الله العظيم

هو أخطأ خطأ قد يعذر عليه

وأنت أخطأت خطأ أكبر من خطأه

ويبدو لي أنك ندمان ، ولكن ودك من يقول لك الحق معك ويخفف عليك

المفترض يكون بالك أوسع وصبرك أكثر

الحمد لله على كل كل حال

اعتقد ان المراية تجي كاملة
الافضل تشوف الوكالة واذا سعرها مرتفع الله يعينك على التشليح

المرايه مركبها تجاريه ب 120 اضن بس مافحالي ارشها بويه قلت امكن تتصلح يعني مافيه امل تتصلح القاعده

الحق عليك طبعا وصار معي نفس الموقف والحق علي

دام 120 خفايف الله يعينك

وعليكم السلام ورحمة الله وبركاته
في عالم همج الواحد قد ما ببعد عنهم الا ان تصرفاتهم تجبرك تاخذ ردة فعل تجاههم
قبل يومين
واحد مقفل الخط وماشي على قشر بيض عقولك وفي يده جوال والطريق فاضي
ادق له بوري ما يوخر لين حصلت فرصة واتجاوزه واشر له بيدي الجوال ممنوع وانت تسوق واتعدااه
والا الاقيه ملحم فيني من ورا وهديت وجاي ينافخ ويقول وش دخلك جوالي وانا حر
قلت له جوالك وانت حر ما اختلفنا لكن الطريق ملك للجميع لكنه تنك ما يفهم المهم صفيته ومشيت لكن ماشي خلفي وكل شوي يقرب من الصدام لين ابتعدت عنه

أي والله شي يرفع الضغط يعطل الناس لكن الي زي كذا خوفه بس مرات ماتزبط تنتف المرايه

سواء الحق معك او ضدك
بالذات بامور النزاعات
ادفع بالتي هي احسن
وابتعد عن المشاكل قدر المستطاع

بالنهايه المتضرر من المشكله هو انت

بغض النظر عن الموقف لازم توسع صدرك قدر المستطاع لأن النوعيات هذه كثيرة وما رح تقدر تغير شيء بالعكس ضيعت وقتك وتأخرت

عموماً الحمد لله أنه ربي سلم الجميع وما صار حادث أو ضرر كبير للسيارات

مثل هالمواقف هي عبارة هن ضريبة لازم يدفعها كل شخص عايش في المدن الكبيرة .. وخصوصاً ان نسبة الهمج واللامسؤولين 
والبزران والمرضى كثيرين جداً وفوق ما تتصور .. يعني يغلط عليك وعينه قوية .. اذا تركته غبن واذا تناشبت معه ورطه ما تدري 
وش آخرتها ونهاية عواقبها .

لكن انصح نفسي وكل من يقرأ في مثل هالمواقف انه يمسك اعصابه بقدر المستطاع ويذكر الله ويتعوذ من الشيطان وبامر الله 
راح تخف وتختفي وتيرة الغضب تدريجياً وتهدىء نفسك ويصبح ما يصير من الماضي ويتعلم منه الواحد .
والله يكفينا الشر واياكم وجميع المسلمين .

يارجال هالمواقف تصير كثيره وترفع الضغط  انا قبل امس واقف عندالاشاره وفتحت الاشاره والي قدامي واقف ادق بوري يمشي شوي ويمسك فرامل بوجهي متعمد ليش اني داق له بوري بعد ماديورت من الاشاره جاء جمبي فتحت القزاز قالي اذا انت رجال وقف على جمب  قفلت القزاز وكملت طريقي  بعضهم  يدور المشاكل  ولو ابغى اوقف  بوقف واخليه يعض الارض  لاكن عارف نهايتها مظاربات ودوريات وتوقيف ومشاكل  ووقتها اقول ليتني  تحملت كلامه وطنشته  الله يعين على الاشكال الي كذا  الواحد يستفزك ويرفع ضغطك وبالاخير مضاربات ومشاكل  والسبب  شي تافه ليش تدق بوري او ليش ماتمشي. الله يعين. 

دائما قياده المركبه تحكم اخلاق قائدها فا المطلوب التجاهل لامور الخلافات والانسان يبتعد عن المشاكل افضل لان الشديد ليس عند الغضب الشديد اللي يتمالك نفسه عن الغضب

والله انا لازلت نادم على حركه سويتها  قبل سنوات وكان السبب فيها الغضب
كان فيه واحد مسكر على سيارتي وكنا عند صرافه زحمه.  رجعت وقلت الهوندا تبع
مين  ما احد جاوبني كررتها    ويوم صرف واحد من اللي كنت اسألهم
جاء بكل برود وشغل ومشى. وكأنه ماعطلني من الغضب مشيت قدامه
وبعد فتره كعيت فرامل وخليته يشمع في صدام الكامري كانت قديمه وصدامها اصلا
يتحمل انعفط كبوته ومشيت.     كنت مراهق.   ونادم الان اشد الندم 
يقول خير البريه عليه افضل الصلاة والتسليم // ليس الشديد بالصرعه. لكن الشديد
من يملك نفسه عند الغضب. -او مامعناه-     فحذاري من الغضب وامسك نفسك
مااستطعت.   فالشوارع كما تفضل اخي ناصر مليئه بصغار السن الجهله المرضى
العليميه ال ال.   عندك مشوار اودوام.  رح بدري.  نصف ساعه مر بوفيه اشرب حليب عدني
ورح لدوامك على مهلك.     استغرب من بعضهم الصباح باقي على دوامه ١٠ دقايق
ويقوم ماغسل وجهه.  ولا حما سيارته ويطير يلعن هذا ويحد هذا
قم بدري غسل وجهك فرش اسنانك الصفر.      البس تعطر. شغل سيارتك
افتح المذياع على برنامج ام سعود. وسق على مهلك
لكن تقوم مثل الجني  وتحدحد الناس مايصير  ارقد بدري.  تقوم بدري نشيط
غيروا من عاداتكم.       وفي المقابل انت يااللي تمشي بكل برود.    وتولع الاشاره
وانت تجربع. والا نايم. ترى الناس مهي منتظرتك.    
انت يااللي لاجيت الصرافه طلعت ٣٠ بطاقة صراف وقعدت تشيك.  والناس ملطوعه
وراك استح.  ملاحظات كثيره ترفع الضغط والسكر.    عكس شوارع دخول خطا
لو كنت مسؤولا كبيرا في المرور
١/ في كل مدينه ١٥٠ سياره صغيره.  كورلا يارس النترا. الخ.  مرور سري
تنتشر بكثافه من ٦ صباحا الي ١٢ ليلا. والويكند. من ١٠ صباحا الي ٤ فجرا
في الشوارع والحارات.  وتصور.    اللي يعكس اللي بدون نور.   الهنود يقطعون
الاشارات قدامي الصبح. وغيرهم بس شوف الجرأه
المهم صور واصقع مخالفات.   صدقوني بنرجع قيمة السيارات حقت المرور السري
وبنزينها خلال شهر.    الفائض يوضع في صندوق دعم الاسر الفقيره وياكثرهم
بعد ذلك.  بتلقون العالم متقيده

القيادة فن ودوق واخلاق قد بدوق او لا تقد ...

طبيعي العينات ذي تلقاها بكل مشوار 

انا كنت ماشي بشارع مسارين صغير 

وكان قدامي واحد ماشي شوي شوي 

اضرب له بوري ما فكر اخر حصلت فرصه 

وتجاوزته واضرب له بوري ولحقني بسرعة 

ويكبس نور ويلحم بالصدام واوقف واناظرة 

بالمراية سفط وراي يعني يبغا ينزل ومشاكل 

وادعس ويلحقني واخش حارة معروفه حقت مشاكل 

واوقف واخر شي جا جنبي بالسيارتة ما نزل 

وقاعد يسألني يخوي وين طريق المكان الفلاني 

وصفت له غلط وسحبت عليه 

واذا تبغا تسلم من المشاكل سو نفسك غشيم 

وماتعرف شي صدقني بترتاح نفسيا 

اللي ما تقبلته اللي يجي يوقف شتل وياخذ موقف ثلاث سيارات . اما بقية الامور تمشي ولابه خلاف