طريقه نقل الملكيه

فحص بي 74+ تطويف 100 + تجديد 150 + مبايعه باكثير 100 + 400 تأمين =824 ريال استرليني

نسيت

نقل 150 = 974 ريال

بيض الله وجهك  يعني الف ريال تقريبا تكون السياره باسمي  طيب وش يلي ابدأ فيه 
يعني اروح افحص الموتر دوري ولا اجدد الاستماره تراني محتاس

اذا كانت السياره نضيفه وتنجح في الفحص اكيد اول شي الفحص ثم تروح الى المرور بتلاقي مكاتب تأمين عندهم امن وسدد حق التطويف والتجديد ويكون عندك صوره من الاحوال صاحب السياره وخلهم يصورون التأمين والفحص وتعبي نموذج التجديد تدبس الصور مع بعض والاصل يبقى معك بعدين تروح الى المرور تجدد بيعطيك الأستماره الجديد ثم تروح لاطرف معرض وتسوي ورقة مبايعه وتأخذ ورقة المبايه وصوره من الفحص وصوره من التأمين وصوره من الاحوال حقت المشتري وتتعبي نموذج نقل ملكيه وتوديها المرور وتستلم الاستماره باسمك ومبروك لقد انتهت العمليه

ويمديك بدال هالعلم كله توكل معقب ويخلصلك كل علومك بس بياخذ واجد لان فيه فحص وعملتين للمرور

وشكراً

انت اكثر من رائع من جد ما قصرت 
يعطيك الف عافيه ابو مجدوع

الله يعافيك

نتشرف بخدمتك

عفوا اخوي ابو مجدوع غلط شوي ما تحتاج كل هالحوسه اول شيء الفحص الدوري تروح لمهم وقبل لا تدخل علئ الفحص تلقى قبلهم ناس تشيك لك على الموتر مجاني واذا طلع فيه شيء يزينونه لك وتشرط عليهم ينجح بالفحص 
ثم تدخل الفحص واذا نجحت تروح لأطرف معرض يزين لك ورقة مبايعة ويعبي لك الاوراق ثم تروح للمرور وتلقى حقين التامين 
تأمن عندهم بأسمك انت ويعطونك النسخه وتدخل به على المرور وهم يجددونه وينقلونه باسمك بنفس الوقت وانتهينا