أضف سؤال أو موضوع جديد          

استشارة لشغله في الماركيز

up 4 down 1
m3aaandd 920
قبل 8 سنه و 2 شهر



السلام عليكم،،مساء الخير يا اخوان

حبيت استشيركم واتمنى من الشخص الي عنده خلفيه في هالموضوع

يفتيني من باب خبرة:اولا معاي ماركيز٢٠١٠ ويفصل ۶ـلے ١٧٩ 

الي ابيه ٲٍنٍـٍّМ̳Ế̳ـٍْا حاب ابرمجه يعني مايفصل زي السعودي

والموضوع ماهو ولع بالسرعه،،،،ثانيا هل فيه ضرر لو فكيته عن طريق البرمجه؟؟

وشنو افضل طريقه لفك الفصله بدون ضرر!!!

وشاكر لكم ومقدر.. واعتذر عن الاطالة،،،،







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اتركه لان مافيه ضرر اذا تركته


up 4 down 1
هارون 423
قبل 8 سنه و 2 شهر



انتظر شاقح يعطيك الرد أو راسله على الخاص .....................بعدين من قالك السعودي مايفصل !!!!

واحد من الشباب معة دورية خاصة بالمديرهو سواقه... فكتوريا 2010 ستاندر ويقول يفصل على 178 وش رايك


up 2 down 1
مستر بن . 10378
قبل 8 سنه و 2 شهر



الفوردات تختلف في القيور والمحركات أنا عندي ماركيز رياضي طبعاً القير أرضي والحمد لله  يعدي ٢٠٠ براحة ويزيد وهو وكاله كذا دون برمجة ولا شئ والسيارة أستيراد أمريكي.  


up 0 down 0
عاشق المعارض 704
قبل 8 سنه و 2 شهر



شوف الفوردات كلها كذا السعودي يفصل تقريب 190 او 197 ثاني شي  الفورد فصلته تحتاج جهاز sct لفك الفصله وسعره تقريب 2000 ريال ثالث شي تبي تفك الفصله تتحمل عواقبها من اعطال لنه بتصير ياتتفقع صوف او يروح القير لنه اذا فكيت الفصله اكيد بتمشي والفورد يجيب بدون الفصله تقريب 237 وفي الخط النزول 250 لنه قيره اربع نمر فقط الا اذا انت تبي تفك الفصله ولازم لابد تدفع مبلغ زياده وهو انك تركب مبرد قير وتغير العامود تبع الدفرنس للامنيوم الي هو عامود البوليسي مثل الدوريات 


up 6 down 0
princ 18874
قبل 8 سنه و 2 شهر



شوف انتبه من الي يقول لك ابرمجه من دون الجهاز الي قلت لك عليه لنهم ينزلون برنامج فوردات موديل 2000 على كمبيوتر السياره ويقولك برمجه البرمجه المعتمده هي نفس الجهاز وهو خاص لجميع السيارات الامريكيه سوا فورد او تورس او موستنق او جمس 


up 1 down 0
princ 18874
قبل 8 سنه و 2 شهر



والله وانا اخوك مافي السرعة خير 179 وتبي زود! ياخي انتبة لا تموت ولا تصير معاق لا سمح الله 




up 1 down 0
شليطيح 5019
قبل 8 سنه و 2 شهر



يا اخوان جزاكم الله خير ۶ـلے النصايح لان انا طلبت استشارة وليست نصيحة الي عنده خبره يفيدني وشاكر لكم مروركم ۶ـلے الموضوع


up 0 down 0
m3aaandd 920
قبل 8 سنه و 2 شهر



حتى انا موتري يفصل على 179 وابي ابرمج الفصله لكن متخوف من الموضوع واخاف اسوي شيء ويخرب الموتر واللي يقهرني اني بالقومه اروح على هالدرادع ولين جا 179 جو يسقطون عليك وانا انقهر لانه يفصل  


يالله الله يعين يارب والسرعه ترا مافيها خير وانا ماودي اسرع بس الموتر يطرب هههههه 


up 0 down 0
camry grandi 99 7274
قبل 8 سنه و 2 شهر



مصمل تفك السرعه وتبي شغل  صح بيكلف حول 4000 ريال جهاز ومبرد وعامود الجهاز للبرمجه ومتا ماحبيت تردها ستوك تردها لنها كلها بالجهاز وتقدر تسوي تشييك مثلا حرارت زيت القيرتعرف كم بالنسبه للجهاز عندك ميزار الاخ خالد منيف هو يفصلك اكثر لنه متخصص في بيع الجهاز وبرمجته على موترك المبرد لكي تحافض على برودت القير ومايضرب لنه على السرعات العاليه الار بي ام بيكون عالي فالقير بيكون شاد بالرابع العامود لنه اخف وزن من الحديد الحديد مع السرعه العاليه يرج ويكسر القير او الدفرنس  


up 0 down 0
princ 18874
قبل 8 سنه و 2 شهر



قير الفوردات واحد سواء البوليسي او قير ارضي او علاقي الفرق بينها الكرونها كرونة الرياضي والبوليسي اقوا من كارونة العادي الي هي يسمونها الكرونه النايمه فلا تقولو القير يختلف حت البوليسي الي هو البوليسي وطبلونه 220 نفس القير بس يختلف بالعامود والتيوب تبع الهوا اكبر والكرونه والبرمجه الكمبيوتر فقط لا غير عندك ناس تشتري كمبيوتر بوليسي يركبونه على فوردات الفين بس يفقد جميع خصايص الفورد مثل الريموت وازرار الابواب والتحكم بالمسجل اذا كانت موجوده 


up 0 down 0
princ 18874
قبل 8 سنه و 2 شهر



لا تبرمج ولا تسوي اي شيء لان واحد من محلات البرمجة قالي يمديه يفك الفصلة والبرمجة ويخلي الموتر يمشي 260 لكنه يخلي المسؤولية من اي خلل يجي عالموتر لانه يضر القير والمكينة 
بعني خلك على برمجة الوكالة 


up 0 down 0
فواز الخالدي 996
قبل 8 سنه و 2 شهر



تبي تمشي على اربع نمر 260 ؟؟!!؟ ههههه ياحبيبي


up 0 down 0
ابو مروج290 1189
قبل 8 سنه و 2 شهر



^^^^^^^^^
اساس لو يفحط مايجيب هو بالقوه بعد البرمجه بطلوع نفسه يجيب 235 ويصير الضغط عالي يعني اي ارتفاع يرد نمره لنه النمره شاده 


up 0 down 0
princ 18874
قبل 7 سنه و 8 شهر