أضف سؤال أو موضوع جديد          

موضوع زياده السرعه في المحرك

up 0 down 2
عاش بو علي 503
قبل 5 سنه و 8 شهر



السلام عليكم اسعد الله مساء الجميع ايها الاخوه الموضوع هو هل الزياده في سرعه السياره في المسار او الطرق يقلل من عمر المحرك راي الشخصي نعم والدليل اغلب السيارات يقولك ينقص الزيت وهذا دليل لقوه احتكاك البساتم مايؤدي الى تبخر الزيت بشكل اكبر واترك لكم المشاركه







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


موضوع جميل ، بس وجهة نظري اشوف 
انو سيارات تمسك خطوط سفر على ١٤٠ - ١٦٠ 
وما تنقص قطرة واحدة من الزيت ، فالخلل عندك بالماكينة نفسها اما صوف ، او بلف تبخير ، او تهريب .... وقس على ذلك 
الحين لو معك علبة ماء ابو ريال ، وجلست ترجهاا بقووووووة وبعدين تركتها في نظرك راح تنقص قطرة من الماء ؟! 
التشبيه لك عليه ههههههه بس ان شاءالله وصلت الفكرة'


up 1 down 0
l7n-320 799
قبل 5 سنه و 8 شهر



ما أدري بس كان معي كامري 2000 مشيتها 400الف وسرعات عاليه وماصارشي وفورد2002 مشيتها 350الف ونفس الشئ ولا وحده منها تنقص زيت عندي كامري 2009قير عادي ماشيه 200الف ماتنقص زيت 


up 0 down 0
السفير ss 459
قبل 5 سنه و 8 شهر



ماله علاقة ، اللي يزيد من الاحتكاك هو عدم المواضبة على تغيير الزيت بالوقت المحدد والدليل ماقد عمري غيرت زيت موتري ووقفت سيارات جنبي الا اشوف زيتها اسود والسيفون تقول شكمان من سواده ، البلاء في استخدام ربعك مهب الكل ولكن 60 % ويمكن 70%


انا اغلب سواقتي ازيد للموتر بالحد المعقول ولما كانت معي السوناتا عشانها اربعة سلندر اظطر اني ادبلها شبه يومي او يومي بالاصح اذا جيت اسقط او بدعس شوي واغلب ممشاي وانا راجع 150 الى 160 ما افتخر لكن هذي الحقيقة وبعتها ماشيه 310 الف ماتنقص نقطة وموديلها 2006 ، لكن قبل ما تقول ابي زيت اغيره لها ومع السيفون ومعطي الموتر حقه من التحمية البسيطة ما ادق سلف وامشي

وايضا نوع الزيت اللي يستخدم له دور



up 1 down 0
a.ibrahem 3164
قبل 5 سنه و 8 شهر



وعلى حسب اللي اشوفه في المنتدى والموقع واللي عرفته من الناس ومن واقع التجارب

ماينقص الا المواتر القديمة وهذي طبيعية يعني شف كم لها مكينتها تمشي وكم ممشى الموتر ف التنقيص فيها طبيعي ، وفيه بعض سيارات تويوتا وانا بصراحة ماقد استخدمتها لكن يقولون انها تنقص اللي هي الكامري واللاند كروزر وممكن يكون فيها مشكلة او عيب مصنعي وتتعالج

لكن مافيه نقص من هنا والطريق لازم سبب ، ومثل ماقلت لك زيادة السرعة بالحد المعقول ماتأثر على اداء المكينة ولا كان خبطت السوناتا اللي معي من شريتها وهذا ممشاي لها ولا قد ذكرت اني سويت شي في المكينة او عالجت مشكلة تنقيص
تحياتي



up 0 down 0
a.ibrahem 3164
قبل 5 سنه و 8 شهر



اخوي ابراهيم انا سيارتي ممشاها ٤٠٠،٠٠٠ وشوي موديل ١٩٩٤
وفعلا كلامك كل ٣٠٠٠ كيلو تنقص علبة ، والمشكلة مافيها تهريب ولا شي 
فإذا كان طبيعي ؟ ابي اعرف الزيت وين يروح بسسس ، لانها مسببة ليا قلق 


up 0 down 0
l7n-320 799
قبل 5 سنه و 8 شهر