بخصوص قير الفورد
3
0
إضغط هنا للإخفاء
السلام عليكم ورحمة الله وبركاته احب اشكر اخوي العزيزcamry grandi 99 لئنه دلني على المهندس السعودي الي بذكر لكم قصتي مع القير حق الفورد قراند ماركيز 2007 قبل كم شهر طلع فيه صوت زي صوت علبة الدركسون لما تكون مافيها زيت او خربانه اقرب وصف ممكن اوصف المشكله وديته ورشه فكو الفلتر وغيروه وحطيت زيت اصلي وكاله والفلتر كذالك اصلي من التقوى قلت يمكن يروح الصوت بعد ماطلعته من الورشه نفس الشي عرفت ان القير فيه مشكله بعد كذا وانا اتصفح المنتدى كل العاده لقيت موضوع كاتبه اخوي camry grandi 99 بخصوص مهندس سعودي ويمدح فيه تواصلت معه واعطاني الوصف حق الورشه الي بذكره لكم نهاية الموضوع المهم رحت للمهندس وقابلته انسان محترم وخلوق وماشاءلله الورشه فل عطاني موعد ورحت له عشان ما اطول عليكم واختصر قد ما اقدر الرجال مايحب يخليك تدفع على شي مو عطلان سوى معي كل احتمالات الخراب قبل ما ادفع ريال واحد يعني كشف على السياره بكل حرص وعرف الخراب انه من الطنجره حقت القير طبعن نزلو القير وغير طنجره اصلية وظبط القير احسن من اول وكلفني الشغل مع قطع الغيار1610 بضبط المهم استاذنة منه اني احط رقم الورشه عشان الي يبي يصلح عنده سيارته ويستفيد انا يشهد علي ربي ما اعرفه الى من اخوي camry grandi 99 وحبية انكم تستفيدون مثللى من بعض الورش الي مايخافون الله في شغلهم وصف الورشه صناعية الشفاء شارع الرساله اسم الورشه مركز ال عثيمين جوال صاحب الورشة ابوسعود 0555492668 والله يوفق الجميع لفعل الخير واشكر مره ثانيه اخوي camry grandi 99
إبلاغ
الردود
الدول العربية كاليمن مثلا يتقنون للأوتوماتيك >> الدول العربية كاليمن مثلا لا يتقنون للأوتوماتيك
0
0
كان القير مايغير بالرابع وماتوصل 120
رحت للورشه فيها واحد تركي ركب السياره دعس فيها قال عندك قير
رحت لواحد فلسطيني قال القير
رحت لكذا واحد قالوا القير
قلت الشكوى لله
ركبت قير مستخدم
وللأسف من غبائي بعت القير القديم فورا قبل اجرب السياره
جربتها نفس الشي ماقدرت اغيره لان القير القديم بعته
انقهرت وقتها
فجأه وأنا أسولف لواحد عن مشكلتي لواحد سعودي قال عندك منظم البنزين << أستصغرته
كيف منظم البنزين يسوي كذا
قلت بغيره ونشوف
ركبت منظم البنزين صارت السياره صااااااااااااااروووووووخ
اسف طولت عليكم بس فيه ناس يستصغرون السعودي
1
0
0
0
قبل 10 سنه و 7 شهر